Баянзүрх дүүргийн 19 дүгээр хороо, Зүүн Алтан өлгийн цайз захаас хойш өгсөх 0,850 км авто замын засвар шинэчлэлтийн ажил дуусаж, өнөөдөр авто замын зорчих хэсгийг нээж, тээврийн хэрэгслийн хөдөлгөөнийг нэвтрүүлж эхэллээ.

Нээлтэд Хүнс, хөдөө аж ахуй, хөнгөн үйлдвэрийн сайд. Батжаргалын Батзориг, НИТХ-ын төлөөлөгч Б.Сүхбаатар, Нийслэлийн Авто замын хөгжлийн газрын дарга Ж.Тогтохбаяр болон бусад холбогдох албаныхан, иргэд оролцлоо.

Тус зам нь 2 эгнээ бүхий 0,850 км, зорчих хэсгийн өргөн 7 метр, хоёр талдаа тус бүр 1.5 метр өргөн явган хүний замтай ба зам барилгын ажлыг улсын төсвийн хөрөнгөөр “Экспресс зам” ХХК хийж гүйцэтгэж дууслаа.

Алтан Өлгийн гудамж нь 2003 онд баригдсан авто зам бөгөөд тус авто замын насжилт нь 15 жил болсон. Тус авто замын сүлжээ нь Улаанбаатар хотын зүүн хэсгийн хөдөлгөөнийг хуваарилах гол ач холбогдолтой туслах гудамж авто зам юм.

Анхны байдал нь явган хүний замгүй, хөгжлийн бэрхшээлтэй иргэд болон авто тээврийн хэрэгсэл зорчиход хүндрэлтэй нөхцөл байдалтай байсан асуудлыг нэг түвшинд шийдвэрлэж, 2 сарын хугацаанд авто замын шинэчлэлтийн ажлыг шуурхайлан хийж гүйцэтгэж, өнөөдөр авто замын зорчих хэсгийг нээж байна.

---