хууль хяналтын байгууллага болон мэргэжлийн байгууллагууд “Централ Азиа Майнинг” компанийн талд ажиллаж байгаад гомдолтой байна хэмээн өнөөдөр мэдээлэл хийсэн юм

Хангай нуруунаас эхтэй Загийн гол эхээ сэлбэдэг Ихбулаг гэдэг газар “Централ Азиа Майнинг” нэртэй уул уурхайн компани алт олборлох үйл ажиллагаа явуулна гэсээр хоёр жилийн нүүр үзэж буй. Баянхонгор аймгийн Заг сумын I сумын иргэд дээрх хугацаанд тус компанийг эсэргүүцэж, нутгаа авч үлдэхээр тэмцэж байгаа ч хууль хяналтын байгууллага болон мэргэжлийн байгууллагууд “Централ Азиа Майнинг” компанийн талд ажиллаж байгаад гомдолтой байна хэмээн өнөөдөр мэдээлэл хийсэн юм.

“Централ Азиа Майнинг” компанин нь 283 га газарт олборлолт хийх зөвшөөрөл авсан ч Заг сумын I багийн иргэдээс санал хүсэлтийг асуулгүй үйл ажиллагаагаа эхлүүлэх гэж байхад нь таслан зогсоосон байна. Хоёр жилийн турш Заг сумын I багийн 200 гаруй айл өрх газар нутгийнхаа төлөө таван удаа тэмцэж байгаа гэнэ. Гэвч “Централ Азиа Майнинг” компани хууль бусаар багийн ИТХ хуралдсан гэх португалыг БОАЖ-ын яамны албаны хүмүүсээр гаргуулж, тус газарт булаг шанд байхгүй хэмээн газрын зургийн мэдээллийн сангаас арилгуулан кадастрын зураг хийлгүүлсэн байна.  Заг сумын I багийн ИТХ-ын тэргүүн Б.Очирхуяг “Централ Азиа Майнинг” компани цагдаа хүчний байгууллага болон Мэргэжлийн хяналтын газар, Ерөнхийлөгчийн Тамгын газрын эрх бүхий хүмүүсийг авчран үйл ажиллагаагаа зогсоосон мэт дүр эсгүүлэн цаанаа бол тэдний дэмжлэгтэйгээр үйл ажиллагаагаа явуулахаар ажиллаж байна хэмээсэн юм.

Тус нутгийн иргэд төрийн болон хууль хяналтын байгууллагууд ард иргэдийнхээ төлөө ажиллахыг шаардаж буйгаа илэрхийллээ.  

 

---