"Болор цом" яруу найргийн наадам ирэх сарын 3-4-нд болно
Монголын зохиолчдын эвлэлээс жил бүр уламжлал болгон зохион байгуулж оны шилдэг яруу найрагчийг тодруулдаг “Болор цом” наадмын бүртгэл эхэлсэн. 37 дахь удаагийн яруу найргийн наадмын бүтээлийг энэ сарын 27-ныг хүртэл Монголын зохиолчдын эвлэлийн байранд хүлээн авч байна. Наадамд оролцох найрагчид зөвхөн энэ онд бичсэн хоёр шүлгээ бүртгүүлэх юм.
2020 онд Багануур дүүргийн 40 жилийн ой тохиож байгаа тул Монголын утга зохиолыг үндэслэгч, их зохиолч Д.Нацагдоржийн төрсөн нутагт зохион байгуулахаар шийдвэрлэжээ. Наадмыг Багануур дүүргийн ЗДТГ, Монголын зохиолчдын эвлэл, МҮОНРТ хамтран зохион байгуулж байгаа бөгөөд ажлын хэсгийн хуралдаанаар ирэх сарын 3-4-ны өдрүүдэд зохион байгуулахаар болжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.