Үйлчлэгч, зөөгчөөр ажилд орж карт хакерддаг этгээдүүдийг баривчилжээ
Эрүүгийн цагдаагийн албаны Кибер гэмт хэрэгтэй тэмцэх хэлтсийнхэн иргэдийн банкны төлбөрийн картны туузан мэдээлэл, нууц үгийг хуулбарлан авч хууль бусаар ашиглаж байсан этгээдүүдийг илрүүлэн шалгаж байна. Тус хэлтэст “Өөрөө ямар ч гүйлгээ хийгээгүй байхад банкны данснаас зарлага гарлаа” гэх мэдээлэл иргэдээс иржээ. Уг мэдээллийн дагуу мөрдөн шалгах ажиллагаа явуулж сэжигтэн Н, Э нарыг холбогдуулан шалгасан байна.
Шалгалтын явцад дээрх сэжигтнүүд нь Улаанбаатар хотын төвд байрлах зоогийн газарт үйлчлэгч, зөөгчөөр ажилд орж үйлчилгээний төлбөрөө картаар хийсэн иргэдийн төлбөрийн картын туузан мэдээлэл, нууц үгийг хуулбарлан авч, бэлэн мөнгөний машинаас мөнгө авдаг болохыг тогтоожээ. Дээрх сэжигтнүүд нь нийт 16 иргэний банкны картын мэдээллийг тусгай төхөөрөмж ашиглаж, олж авсан байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.