Алсад нойрссон аавын бэлэг

Бэйли Селлерсийн аав Майк Селлерс охиноо 17 нас хүрэхээс хэдхэн сарын өмнө нойр булчирхайн хорт хавдраар таалал төгсчээ. Хэдийгээр алс хол одсон ч охиныхоо төрсөн өдрийг мартаагүй байж.

Эцгийгээ үдээд удаагүй байхад төрсөн өдрөөр нь цэцэг, дурсгалын мэндчилгээ ирэхэд ихэд гайхжээ. Дараа жилийн төрсөн өдрөөр нь дахиад л ирж. Майк Селлерс охиноо орхиж явахаасаа өмнө бэлэг хүргэлтийн компанид урьдчилан төлбөрөө төлж, жил бүр охиныхоо төрсөн өдрөөр бэлэг хүргүүлэхээр захиалсан байж.

Энэ жил аавынх нь үлдээсэн сүүлчийн бэлэг Бэйли охинд 21 насных нь төрсөн өдрөөр иржээ. Охиндоо урьдчилан бэлдсэн сүүлчийн ил захидалдаа “Дахин уулзах хүртлээ ааваасаа болж уйлах хэрэггүй. Би илүү дээр газарт байна. Чи минь аавынхаа хамгийн үнэ цэнэтэй бэлэг үүрд байх болно. Бүх цаг мөчид охиныхоо дэргэд байна. Зүгээр л эргэн тойрноо хараарай, би тэнд байх болно” гэсэн байжээ.

Бэйли энэ тухайгаа олон нийтийн цахим хуудсанд байршуулж аавтайгаа авахуулсан бяцхан охин байх үеийн зургаа нийтэлсэн байна. Сая сая иргэн хандаад зогсохгүй өөрсдийнхөө түүхээс хуваалцжээ. Охин Зүүн Теннесси мужийн их сургуульд сэтгэл судлаачаар суралцдаг. Олон мянган хүний сэтгэлийг гэрэлтүүлсэндээ аав нь өөрөөрөө бахархаж байгаа гэдэгт итгэлтэй байна гэжээ.

Эх сурвалж: www.cnn.com