Талибанд барьцаалагдсан эрдэмтдийг хоригдлуудаар солилцжээ
Афганистан дахь Талибаны зэвсэгт бүлэг Америк болон Австрали улсуудын хоёр профессор эрдэмтнийг 2016 оноос хойш барьцаанд байлгасан юм. Эдгээр эрдэмтдийг Талибаны гурван хоригдлоор солилцож сулласан байна.
АНУ-ын эрдэмтэн Кэвин Кинг, Австралийн эрдэмтэн Тимоти Вийкс нар гурван жилийн дараа зэвсэгт этгээдүүдийн гараас эсэн мэнд суллагджээ. Тэд Кабул дахь Афганистаны Америк их сургуульд зочин профессороор ажиллаж байгаад сургуулийнхаа гадаанаас исламын хэт даврагсдад баригдсан байна.
Хорих газраас суллагдсан Талибаны гурван хоригдол Катарт иржээ. Тэдний дунд Хаккани зэвсэгт бүлгийг санхүүжүүлэгч, толгойлогчдын нэг Анас Хаккани болон бүлгийн дээд эрх мэдэлтэй хоёр командлагч багтсан байна. Катар дахь Талибаны улс төрийн үйл ажиллагааг удирдан явуулдаг байранд Анас Хакканигийн ууган ах, Талибаны дэд удирдагч Сиражуддин байрлаж байгаа юм.
Афганистаны Засгийн газар энэ удаагийн алхам Талибанчуудтай гэрээ хэлэлцээрээ дахин сэргээх оролдлогыг эхлүүллээ хэмээн мэдэгджээ. Ерөнхийлөгч Ашраф Гани өнгөрсөн долоо хоногт эрдэмтдийг хоригдлуудаар солих шийдвэр нь амаргүй ч чухал алхам хэмээн ярьсан байна.
Талибаны зүгээс солилцоо амжилттай хэрэгжсэнийг мэдэгджээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.