- Нүүр
- Улс төр
- Видео мэдээ
- Чуулган
- Нийгэм
- Хууль эрх зүй
- Соёл урлаг
- Хэрэг зөрчил
- LIVETV CONTENT
- Бусад категори
Охайо мужийн иргэн сумтай, цэнэгтэй гар буугаа алга болгоод нэг хоножээ. Харин маргааш нь түүний алдсан гар буу зургаан настай хүүгийнх нь үүргэвчнээс олдсон байна.
Мужийн нийслэл Колумб хот дахь бага сургуулийн нэгдүгээр ангийн сурагч хүү цэнэглэсэн, хагас автомат гар бууг үүргэвчиндээ хийж сургууль дээрээ авчирсан байна. Хүү энэ тухайгаа ангийнхаа сурагчид хэлж, нөгөө сурагч багшдаа хэлснээр сургуулийн захиргаа галт зэвсгийг хурааж авчээ.
Хүүгийн үүргэвчнээс гар буу олсноо сургуулийн ажилтнууд цагдаад дуудлага өгч мэдээлсэн байна. Цагдаагийн ажилтны мэдэгдсэнээр нэгдүгээр ангийн сурагч өвөөгийнхөө галт зэвсгийг нууцаар авч ангидаа авчирсан шалтгаан тодорхойгүй юм. Хэргийг мөрдөн шалгах ажил үргэлжилж байгаа ба ямар нэг хариуцлага тооцох насанд хүрээгүй гэж үзсэн байна.
Нөхцөл байдал энэнээс ч муу байж болох байсан тул эрт олж мэдсэн нь сайн хэрэг гэж цагдаагийн газраас мэдээлжээ.
Судалгаанаас харахад сүүлийн үед сурагчид санаатай болон санамсаргүй байдлаар галт зэвсэгт өртөж амиа алдах нь АНУ-ын нутаг дэвсгэрт нэмэгдсэн байна. 2012-2014 онд хийсэн судалгаагаар галт зэвсэгт өртөж гэмтэж шархадсан хүүхдүүдийн 21 хувь нь санамсаргүй тохиолдлоор бэртсэн байжээ.
Эх сурвалж: www.cnn.com