Владимир Путин 11 өндөр албан тушаалтныг албан үүргээс нь чөлөөлжээ
ОХУ-ын Ерөнхийлөгч Владимир Путиний зарлигаар Мөрдөн шалгах хороо, Дотоод хэргийн болон Онцгой байдлын яамны 11 өндөр албан тушаалтанг ажлаас нь чөлөөлжээ.
Тэдний дунд 100 сая рублийн луйврын хэрэгт холбогдсон Дотоод хэргийн яамны Нийгмийн эмх журмыг хамгаалах газрын орлогч дарга Александр Мельников, "Хромая лощадь" клубт гарсан галын хэргийг хариуцаж байсан, Мөрдөн шалгах хорооны дөрөвдүгээр хэсгийн дарга Руслан Ибиев нар багтсан байна. Александр Мельниковыг өнгөрсөн есдүгээр сараас хойш авлигын хэрэгт холбогдуулан шалгаж байсан юм.
Харин Руслан Ибиев албан тушаалаа ашиглан, сэжигтэнд дарамт, шахалт үзүүлж, 100 сая рубль өгвөл хэргээс мултална гэж амласан нь олонд ил болсон юм. Ийнхүү гэмт хэрэг, авлига, хээл хахуульд холбогдсон 11 өндөр албан тушаалтныг Путин албан үүргээс нь чөлөөлсөн байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.