Идэх дуртай бургер, чипснээсээ татгалзалгүйгээр 73кг жин хасжээ
Өөрийн идэх дуртай бургер, чипснээсээ татгалзагүйгээр 73кг жин хассан англи эмэгтэйн тухай The Sun сэтгүүлд бичсэнийг та бүхэнд хүргэж байна.
Колчестерийн оршин суугч 48 настай Трейси Арнольд сүүлийн 15 жилийн хугацаанд 127кг жинтэй болтлоо таргалжээ. Жин нэмэх тусам тэрбээр хоолны зуршлаа өөрчлөн турах гэж оролдсон ч бүтээгүй байна.
Таргалах тусам асуудал ундарч байсан тухай тэрээр одоо дурсаж сууна. Таарах хувцас олдохоо байж, хэд алхахад амьсгаадаж, байнга ядрах болжээ. Зураг авахуулахыг үзэн ядах болсон байсан гэв.
Ингээд Арнольд уйгагүй зүтгэлийнхээ ачаар 73кг жин хаяжээ. Тэгэхдээ харин өөрийн идэх дуртай бургер, чипснээс татгалзаагүй байна. Тэрээр өөхгүй мах, илчлэг багатай масло хэрэглэжээ. Усанд сэлж, дугуй унаж, бялдаржуулах төвд хичээллэсэн байна.
Англи эмэгтэйн ярьснаар тэрээр одоо эрүүл, жаргалтай, өөртөө итгэлтэй байдлыг мэдрэх болжээ.
Эцгийнхээ хуримын арга хэмжээнд оролцохын тулд 57кг хассан англи эмэгтэйн тухай өмнө нь мэдээлж байсан. Харин энэ удаад 73кг жин хаясан Арнольдын түүх эмэгтэйчүүдийг ийн гайхшруулж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.