Филиппин: Газар хөдлөх үеэр амиа алдсан 7 хүний дунд аав, хүү хоёр байжээ
Филиппин улсын өмнөд нутгийн Минданао арлын орчимд мягмар гарагт 6,6 магнитудын хүчтэй газар хөдөлсний улмаас амиа алдсан иргэдийн тоо долоо болсон байна. Эдгээр иргэдийн дунд 44 настай эрэгтэй долоон настай хүүгийнхээ хамт том чулуунд дарагдаж амиа алдсан байдалтай олджээ.
Эрх баригчид амиа алдагдсын тоо цаашид нэмэгдэж болзошгүй гэдгийг анхааруулж байна. Манилагийн иргэнийг хамгаалах газраас багадаа 215 хүн гэмтэж бэртсэн ба Минданао арал дээр хөрсний гулсалт үүсчээ.
Газар хөдлөлтийн голомт Минданаогийн төв Давао хотоос баруун урагшаа 70 орчим км-т Котабато мужийн Тулунанд байгааг АНУ-ын Газарзүйн судалгааны газар мэдээлсэн байна. 1,6 сая оршин суугчтай Давао болон Илиган хотуудад газар хөдлөлтийн чичирхийлэл мэдрэгдэж, иргэдийг цочролд оруулан байшин барилга нуржээ.
Иргэнийг хамгаалах газраас мягмар гарагт болсон газар хөдлөлтийн улмаас 10 орчим сургуулийн барилга, 1,200 айлын байшин нурсан тухай мэдээлжээ.
Эх сурвалж: www.bbc.com, www.nytimes.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.