Аргентинчууд ядуурлаас аврах шинэ Ерөнхийлөгчөө сонгохоор саналаа өглөө

Аргентин улсад эдийн засгийн хямралтай байгаа хүнд нөхцөл байдалд Ерөнхийлөгчийн сонгуулийн санал хураалт болж өнгөрлөө. Санал хураах байрууд хаалгаа барьсан ч санал хураалтын дүн хараахан гараагүй байна.

Улс орны хүн амын 1/3 нь ядууралд орсон хүнд үед төрийн тэргүүнээр сонгогдохоор зургаан хүн нэр дэвшсэн ч олон нийтийн анхаарал хоёр хүн дээр төвлөрчээ. Одоогийн Ерөнхийлөгч Маурикио Макри, зүүнийг сахигч Альберто Фернандез нар гол өрсөлдөгчдөөр нэрлэгдээд байгаа юм.

Урьдчилсан санал хураалтаар ноён Фернандезийг ялалт байгуулах өндөр магадлалтай гэж таамаглажээ.

Одоо сонгогдох Ерөнхийлөгч улс орныг эдийн засгийн хямралаас гаргана хэмээн ард иргэд итгэл найдвар тавин сонголтоо хийж байгаа юм. Ерөнхийлөгч Макри өнгөрсөн дөрвөн жилийн хугацаанд байдлыг улам дордуулсан ч дахин сонгогдвол ядуурлыг тэглэнэ гэжээ. Харин Фернандезийг эдийн засгийн аварна хэмээн найдах хүн олон байна.

Энэ удаагийн сонгуульд 18-70 насны санал өгөх эрхтэй 33,8 сая иргэн оролцож, Сенатын танхимын 24,  Төлөөлөгчдийн танхимын 130 гишүүн, мужийн захирагчид, нийслэл Буэнос-Айресын даргыг сонгох юм. Эхний шатны санал хураалтаар ялалт байгуулахын тулд Ерөнхийлөгчийн сонгуульд нэр дэвшигчид өрсөлдөгчөөсөө 10 хувийн саналын илүүтэйгээр 40-45 хувийн санал авах ёстой ажээ.

Эх сурвалж: www.bbc.com