“The Independent” XXI зууны шилдэг хөлбөмбөгчдийг нэрлэлээ

Энэ жагсаалтад сүүлийн 20 жилд нэрд гарсан 100 хөлбөмбөгчийг оруулснаа “The Independent” албан ёсны сайтдаа мягмар гарагт нийтэлжээ. Эхний арав дотор Испанийн “Барселон” клубт янз бүрийн онуудад тоглож байсан зургаан хөлбөмбөгч багтсан байна. Жагсаалтыг “Барселон” клубын довтлогч Лионель Месси тэргүүлсэн бол аман хүзүүнд ихэнх хугацаанд мадридын “Реал” клубт тоглож байсан “Юувентус” клубын Криштиан Роналду оржээ.

Жагсаалт цааш нь Мессиг “Барселон”-д тоглож байх үед холбогч нь байсан Хави, Рональдиньо, Андрьес Иньеста нараар үргэлжилж байна. Эхний аравт Роналдо, Тьерри Анри, Зинедин Зидан, Кака болон Фабио Каннаваро нар оржээ. Хөлбөмбөгийн түүхэнд хамгийн үнэтэй тоглогчоор бразилийн Неймар 222 сая еврогийн гэрээгээр орсон бол тэр The Independent-ийн жагсаалтын 20-д жагссан байна.