Чингэлтэй дүүргийн ЗДТГ-аас “Бурхан долоон одны тахилга”-ыг сар бүр зохион байгуулна
Намрын дунд сарын 17 буюу аравдугаар сарын 15-ны билэгт сайн энэ өдөр Чингэлтэй дүүргийн Иргэдийн Төлөөлөгчдийн Хурал, Засаг даргын Тамгын газар, Монгол зурхайн Түвдэнпэлжээлин хийдтэй хамтран дүүргийнхээ 170 гаруй мянган иргэддээ зориулж анх удаа “Бурхан долоон одны тахилга”-ын арга хэмжээг зохион байгууллаа.
УИХ-ын гишүүн Д.Ганболдын санаачилгаар Чингэлтэй хайрхан уулын энгэр бэлд бүтээн байгуулсан “Эрдмийн задгай театрт тахилгын арга хэмжээг зохион байгуулж, дүүргийн Иргэдийн Төлөөлөгчдийн Хурлын дарга Д.Бат-Эрдэнэ, Засаг дарга Ж.Эрдэнэбат болон албаны бусад хүмүүс, Монгол зурхайн Түвдэнпэлжээлин хийдийн хамба Ж.Гончигсүрэн, сүсэгтэн олон оролцлоо.
Арга хэмжээг дүүргийн Иргэдийн Төлөөлөгчдийн Хурлын дарга Д.Бат-Эрдэнэ нээж, “Бурхан долоон одны тахилга”-ын энэхүү арга хэмжээг цаашид дүүргийнхээ иргэдийн сайн сайхны төлөө сар бүр зохион байгуулж байхаар болсныг тэмдэглэн хэлсэн юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.