Орос дахь Чингисийн анхны хөшөөг Халимагт нээлээ
ОХУ-ын Халимагийн Привольный тосгонд Орос дахь Чингис хааны анхны хөшөөг нээсэн байна. Багадаа Тэмүүжин нэртэй байсан Чингис хаан Монголын эзэнт гүрнийг үндэслэн байгуулж Хятад, дундад Ази, Кавказ, Дорнод Европыг эзэлж байсан юм. 1223 онд Чингисийн цэргүүд Калкад орос-половецийн нэгдсэн хүчнийг бут цохисон юм.
“Улан-Хөөч” заводын ерөнхий захирал Жангар Сангажиевын санаачилгаар хөшөө бүтээхэд хоёр жил шаардагджээ. Дөрвөн метр өндөртэй энэ хөшөөнд их эзэн хааныг дөрвөн баатар мөрлөн өргөж яваагаар дүрсэлж нүүрэн талд нь монгол бичгийн хэвд оруулан бүтээсэн тод бичгээр нэрийг нь бичжээ. Цаашид Орос-Монголын дипломат харилцааны 100 жилийн ойд зориулан 2020 онд Рязаньд Чингис хааны хөшөө босгохоор төлөвлөж байгаа юм байна хэмээн obzor.io хэвлэлд бичсэн байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.