Хятад улс 300 сая хүүхдийг хөлбөмбөгөөр хичээллүүлнэ

Хятадын нөлөөгөө тогтоож, эзэрхийлэхийг хүссэн салбар нь зөвхөн эдийн засаг, улс төр биш бололтой. Тэд үйлдвэрлэл, хиймэл оюун ухаан зэрэг технологи, сансар судлалын салбарт хүч түрэн орж байгаагаас гадна спорт, тэр дундаа хөлбөмбөгийг ч бас сонирхох болжээ.

Урд хөрш хөлбөмбөгт хайртай орнуудын нэг. Тэд хөлбөмбөгийн хүчирхэг багаа дэлхийн тавцанд сойх хүсэлтэй. Гэхдээ энэ амаргүй даваа. Түүхийн хуудсыг сөхвөл Хятадын хөлбөмбөгийн эрэгтэй баг 2002 онд ганцхан удаа Дэлхийн аварга шалгаруулах тэмцээнд орж байжээ. Бүхэл тоглолтын турш гоол оруулж чадаагүй. Энэ үед ард иргэд эсэргүүцэл үзүүлж, Засгийн газрыг ч хурцаар шүүмжлэн жагсаал хүртэл хийжээ.

Өнөөгийн дарга Си Зиньпин бол хөлбөмбөгийн хорхойтон. Энэ байдлыг өөрчлөхийн тулд 2013 онд хэлсэн үгэндээ “Нэг л өдөр Хятад дэлхийн хөлбөмбөгийн аварга болно” хэмээн мөрөөдлөө илэрхийлсэн байдаг.

Засгийн газар ирэх гучин жилийн хугацаанд хөлбөмбөгийн спортыг хөгжүүлж, шилдэг тамирчин төрүүлэхээр нарийн төлөвлөгөөтэй ажиллаж байна. Олон тэрбум доллар зарцуулж, залуу өсвөр үеэ бэлдэж эхэлжээ. 2020 он гэхэд 300 сая хүүхдийг хөлбөмбөгөөр хичээллүүлдэг болгоно гэжээ.

Тиймээс хөлбөмбөг гэдэг шинэ Хятадын мөрөөдлийн томоохон хэсэг болов. Эрх баригч Коммунист намын алсын хараанд Хятад дэлхийн хамгийн хүчирхэг эдийн засагтай, эрх мэдэлтэй, үндэсний баялгаа таниулсан, хүндлэл хүлээсэн гүрэн болох юм.

Эх сурвалж: www.qz.com