Хагибис хар салхины улмаас таван хүн амь үрэгдэж, 41000 өрх гэрэл цахилгаангүй болжээ
Энэ жилийн хамгийн хүчтэй, хор хөнөөл дагуулсан Хагибис хар салхи энэ бямба гарагт Япон улсын нутаг дэвсгэрийн дайран өнгөрлөө.
Хар салхины улмаас голууд үерлэж, хөрсний нуралт үүсэхэд хамгийн багадаа 5 хүн амь үрэгдэж, 11 хүн сураггүй болсныг албаныхан мэдээлжээ. Мөн Япон даяар 90 гаруй хүн бэртэж, гэмтсэн байна. Японы зүүн хойд бүсийн 41,000 өрх гэрэл цахилгаангүй болсныг Tohoku Electric Power компани мэдээлжээ.
Японы Хоншү арлын 6 сая оршин суугчид орон гэрээ орхин нүүх зөвлөмж хүргүүлсэн юм.
Ням гарагийн өглөөнөөс эхлэн Токио хот, Японы төв болон зүүн бүс нутгуудад онц байдлыг хэсэгчлэн цуцалж, хурдан галт тэрэгний үйлчилгээнүүд сэргэж эхэлсэн байна.
Токио хот орчим болон зүүн хойд бүс нутгийг дайрсныхаа дараа уг байгалийн үзэгдэл Японы арлуудыг орхиж, Номхон далайн гүн рүү шилжиж байна.
Далайн хар шуургатай холбогдуулан Япон Улсад буй манай иргэд дор бүрнээ анхаарал сэрэмжтэй байж, тухайн орон нутгийн засаг захиргааны байгууллага, онцгой байдал эрхэлсэн нэгжээс олон нийтэд түгээж буй мэдээ, мэдээлэл, зааварчилгаанд анхаарч, аюулгүй байдлаа хангахыг хүсье.
Шаардлагатай үед энэ хаягаар орж, тус ЭСЯ-тай холбогдоно уу.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.