ХБНГУ: Буутай этгээд жүүдийн сүмд халдлага үйлдэж буйгаа шууд дамжуулахыг завджээ
ХБНГУ-ын Галле хотод зэвсэгт этгээд еврейчүүдийн баярын үеэр халдлага үйлдэж хоёр хүнийг буудаж амь насыг хороосон юм. Гэмт этгээд жүүдийн сүм рүү орж, тэнд байгаа 70-80 хүн рүү гал нээхийг оролдсон ба сүмд халдлага үйлдэж байгаагаа цахим тоглоомын хуудсаар шууд дамжуулахыг завдсан байна. Цагдаа нар түүнийг сүмрүү нэвтрэхээс нь өмнө баривчлан саатуулжээ.
27 настай, Германы иргэн сэжигтэн хэргийг ганцаараа үйлдсэн гэж үзэж байгаа юм. Халдлага үйлдэхийнхээ өмнө бичлэгээ шууд дамжуулж байхдаа еврейчүүдийн эсрэг үзэл бүхий хэд хэдэн үг хэлсэн байна. Бичлэгийг нэн даруй устгажээ.
Германы Дотоод хэргийн сайд Хорст Зехофер сэжигтэн хэт барууны үзэл баримтлагч байж магадгүй хэмээн мэдэгджээ. Гэмт этгээд цэргийнхтэй төстэй хувцас өмсөж, хэд хэдэн зэвсэг авч явжээ. Канцлер Ангела Меркель халдлагын үеэр амиа алдсан хохирогчдын дурсгалд хүндэтгэл үзүүлэх арга хэмжээнд оролцсон байна.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.