ВИДЕО: Эмэгтэйчүүдийн боксын ДАШТ-ний хоёр дахь ялалт
Энэ өдрүүдэд ОХУ-ын Улаан-Үд хотноо сонирхогчдын боксын 11 дэх удаагийн дэлхийн аварга шалгаруулах тэмцээн зохион байгуулагдаж байна.
Энэ удаагийн дэлхийн аварга шалгаруулах тэмцээнд манай улсаас долоон тамирчин оролцож байгаа ба одоогийн байдлаар Э.Мичидмаа, Т Болортуул, Э.Эрдэнэтуяа, Б.Мягмаржаргал нарын дөрвөн тамирчин ялагдал хүлээн тэмцээнээ дуусгаад байна. Харин тэмцээний эхний өдөр -51кг жинд Л.Алтанцэцэг Италийн Фадда Камиллаг ялж шөвгийн 16-д шалгараад байсан бол өчигдөр -60кг жинд М.Намуун дэлхийн аваргын хүрэл медальт Туркийн С.Калискантай тулалдан ялж шөвгийн 16-д шалгарлаа. Италийн тамирчны хувьд өнгөрсөн жилийн дэлхийн аварга шалгаруулах тэмцээний -64кг жинд хүрэл медаль хүртэж байсан Италийн шилдэг тамирчдын нэг юм. Тэрээр жиндээ чансаагаараа 3-т эрэмбэлэгдэж буй тамирчин юм.
Манай сайт дэлхийн аварга шалгаруулах тэмцээнийг 10 хоногийн турш шууд дамжуулан үзүүлэхээс гадна ялалт байгуулсан тамирчдынхаа бичлэгийг түүвэрлэн үзүүлдэг уламжлалынхаа дагуу Л.Алтанцэцэг, М.Намуун нарын тулааны бичлэгийг бүрэн эхээр нь толилуулж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.