М.Анхцэцэг олимпийн эрхийн тэмцээнд аваргаллаа

Хүндийн өргөлтийн монголын эмэгтэйчүүдийн шигшээ багийн тамирчид дэлхийн аварга шалгаруулах тэмцээний дараа олимпийн эрхийн оноо олгох San Diego open-2019 тэмцээнд оролцон иж бүрэн медаль хүртлээ. 

Тодруулбал өнгөрөгч амралтын өдрүүдэд АНУ-ын Сан Диего хотноо ахмадуудын IWF Мастер ангиллын дэлхийн цом, Токио-2020 олимпийн эрхийн оноо олгох "San Diego Open" олон улсын тэмцээн зохион байгуулагдлаа.

Мастер ангиллын дэлхийн цомын тэмцээнд манай улсаас гурван тамирчин медаль хүртлээ.  

• Эмэгтэйчүүдийн 50-иас дээш насны ангилалд Ц.Оюунчимэг алтан медаль

• Эмэгтэйчүүдийн 35-аас дээш насны ангилалд С.Саранцэцэг мөнгөн медаль
• Эрэгтэйчүүдийн 60-аас дээш насны ангилалд Б.Энхтайван мөнгөн медаль тус тус хүртлээ.

Харин "San Diego Open" олон улсын тэмцээнд манай тамирчид дараах амжилтыг үзүүллээ. 

• 81кг жинд М.Анхцэцэг алтан медаль

Алтан медалийн эзэн М.Анхцэцэг

• 64кг жинд Г.Ануужин мөнгөн медаль

Мөнгөн медалийн эзэн Г.Ануужин

• +87кг жинд Э.Билэгсайхан хүрэл медаль тус тус хүртсэн байна. 

Хүрэл медалийн эзэн Э.Билэгсайхан