Тулаанч гөлөг хүүхдүүдийг хорт могойд хатгуулахаас аварч өөрөө хатгуулжээ
АНУ-ын Флорида мужийн гэр бүл есөн сартай пит булл үүлдрийн гөлгөө харамсалтайгаар алдсандаа эмгэнэл илэрхийлжээ. Зевс гөлөг эздээ хорт могойд хатгуулахаас аварч өөрөө хатгуулан нүд аньсан байна.
Орилей Ричардсан охин долоо хоногийн өмнө гэрийнхээ арын хашаанд тоглож байжээ. Тэдний есөн сартай Зевс гөлөг гэнэт эзэн рүүгээ үсэрч, дараа нь газарт ямар нэг зүйлтэй ноцолдож эхэлсэн гэв. Гөлөг газарт ямар нэг зүйл рүү дайрч байгаа ч олсоор тоглож байна гэж бодсон тухай хүүхдүүдийн ээж Жина Ричардсон ярьжээ. Гэвч гөлөгний дайрч тулалдсан зүйл олс биш хорт шүр могой байжээ.
Энэ хооронд Орилейгийн ах 11 настай Орион гөлөгнийхөө усыг солихоор арын хашаанд гарч ирэхэд Зевс хөвгүүдийг хамгаалахын тулд аргагүйн эрхэнд могойн дээр элгээрээ дарж хэвтсэн байна. Ах дүүс гөлөгний нүд хачин жигтэйгээр өөрчлөгдөхийг харж босгоход Зевс могойг тасдаж толгойг нь залгихаасаа өмнө дөрвөн удаа хатгуулсныг олж харжээ.
Ричардсоны гэр бүл тэр дурай амьтны эмнэлэгт очиж шүр могойн ерөмдөг тариулсан боловч хэтэрхий оройтсон учир маргааш нь гөлөг нүд аньсан байна. Зевстэй салах ёс хийхээр ирсэн ээж Сега нь чихээ унжуулан уйтгарлаж байгааг эзэд нь ярьжээ. Гэр бүлийн хэлснээр Зевс бол жинхэнэ баатар төдийгүй хорт могойд хүүхдүүдийнхээ нэгийг алдахад ойрхон байсан тул тэднийг аварсан бяцхан батарлаг гөлөгт үүрд талархах болно гэжээ.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.