ВИДЕО: Э.Цэндбаатар дэлхийд нэрээ данслууллаа
Энэ сарын есний өдрөөс ОХУ-ын Екатеринбург хотноо эхэлсэн Сонирхогчдын боксын эрэгтэйчүүдийн 20 дахь удаагийн дэлхийн аварга шалгаруулах тэмцээн өндөрлөх шатандаа орж байна.
Дэлхийн 78 орны 365 боксчин оролцсон энэ удаагийн дэлхийн аварга шалгаруулах тэмцээнд манай улсаас долоон тамирчин хүч үзлээ. Дэлхийн аваргын 57кг жинд Э.Цэндбаатар чансаагаараа 3-т эрэмбэлэгдэн оролцож эхний тулаануудаас өрсөлдөгч бүрээ илт давуугаар буулган авсаар өчигдөр мөнгөн медалийн төлөө тулалдлаа. Тэрээр хүрэл медалийн төлөөх тулаанд Ирландын Курт Волкертэй тулалдан бүх шүүгчдийн саналаар ялалт байгуулж мөнгөн медалийн төлөө тулалдах эрхтэй болсон юм. Уг тулааны бичлэгийг үзэхийг хүсвэл энд дарна уу.
Мөнгөн медалийн төлөөх тулаанд Жакарта Азийн наадам болон Ази тивийн 56кг жингийн аварга Узбекистаны Миразизбек Мирзахалиловтой тун тэнцүүхэн тулалдсан ч харамсалтай нь шүүгчид Узбекийн тамирчинд ялалтыг өглөө. Ийнхүү Э.Цэндбаатар дэлхийн аваргаас хүрэл медаль хүртсэн нь Монголын боксчдын дэлхийн аваргаас хүртэж буй 11 дэх медалийн эзэн болсон юм.
Өнөөдөр дэлхийн аваргын алтан медалийн төлөөх тулаанууд явагдах ба манай сайт шууд дамжуулан үзүүлнэ.
WWW.LIVETV.MN/SPORT СУВГИЙН 2019.09.21-НИЙ ӨДРИЙН ХӨТӨЛБӨР.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.