Хийсвэр хагалгаагаар төрсөн хүүхдүүдийн гэдсэнд хэвийн бус нян агуулагддаг
Хүүхдийн биед агуулагддаг нянгийн иж бүрэн судалгааны дүнд хийсвэр хагалгаагаар төрсөн хүүхдүүдийн гэдсэнд байгалийн жамаар төрсөн хүүхдүүдийнхээс өөр төрлийн нян халдсан байдаг гэдгийг баталжээ.
Байгалийн жамаар төрсөн нялхас болон хагалгаагаар төрсөн нялхсаас дээж аван судлахад хийсвэрээр төрсөн хүүхдүүдийн гэдэснээс эмнэлгийн багаж төхөөрөмж, орчинтой холбоотойгоор нян устгалд тэсвэртэй бактери агуулагдаж байгаа юм. Тиймээс мэсний тусламжтайгаар төрсөн хүүхдүүдийн дархлааны систем доголдолтой, амархан харшилдаг, багтраа өвчнөөр өвчлөх магадлал илүү байдаг гэжээ.
Хэрэв цаашид зайлшгүй шаардлагаар бус амар хялбар аргаар төрөхийг хүссэн эхчүүд олширвол орчны бохирдлоос шалтгаалж нялхаст хүндрэл учруулж болзошгүй хэмээн үзэж байна. Уг судалгааг 600 орчим нярай, 175 ээжээс дээж авч долоон жилийн турш явуулжээ.
Эх сурвалж: www.theguardian.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.