Төрийн бүх байгууллагууд дунджаар 165 мянган төгрөгөөр хаягаа шинэчилнэ
Нийслэлийн 380 жилийн ойг тохиолдуулан төрийн бүх байгууллагуудын хаягийг шинэчлэхээр хотын захирагч захирамж гаргачээ.
Төрийн байгууллагуудын гадна хаяг самбаруудын 90 орчим хувь нь хууль журам, стандартад нийцээгүй, төрийн сүлд, соёмбыг буруу дүрслэх, өнгө загвар үсгийн хэмжээг баримтлаагүй зэрэг алдаатай байдаг байна. Энэ ажлын хүрээнд нийт гурван загварыг баталсан бөгөөд ирэх сарын 15-ны дотор бүх төрийн байгууллагуудад хаягаа шинэчлэх үүрэг өгчээ.
Харин хаяг шинэчилж буйтай холбоотойгоор тусгайлсан төсөв гаргаагүй, байгууллагууд өөрсдийн урсгал зардалд багтаан хийх юм байна. Төрийн нэг байгууллага гаднах хаягаа солиход хэдэн төгрөг зарцуулах талаар судлахад дунджаар 165 мянган төгрөг зарцуулахаар байгаа юм.
Хотын стандарт, орчны аюулгүй байдлын хяналт, зохицуулалтын газраас "Төрийн байгууллагууд ямар ч газарт хаягаа хийлгэж болно. Гол нь батлагдсан гурван стандартын дагуу хаягаа шинэчлэх хэрэгтэй. Уг захирамжийг биелүүлээгүй бол нийслэлийн Засаг даргын захирамжийг биелүүлээгүй гэсэн хариуцлага тооцно" гэдгийг дурдав.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.