ВИДЕО ТОЙМ: Снукер биллиардын "Шанхай Мастерс 2019"
Снукер биллиардын хамгийн өндөр шагналын сантай "Шанхай Мастерс-2019" тэмцээнд дэлхийн шилдгүүд өрсөлдөж байна.
Өчигдөр хоёрдугаар тойргийн зарим тоглолтууд явагдсан ба Шанхай Мастерс тэмцээний гурван удаагийн аварга "Пуужин" хочит Ронни О Сулливан /дэлхийн чансааны №2/, Шанхай мастерс тэмцээний 2015 оны аварга Каирен Вилсон /дэлхийн чансааны №8/ нар БНХАУ-ын төлөөлөл болон оролцож буй тамирчдыг буулган авч шөвгийн 8-д шалгарч үлдлээ. Харин дэлхийн чансааны 3-т эрэмбэлэгдэж буй Марк Виллиамс болон дэлхийн чансааны 11-т эрэмбэлэгдэж буй Шаун Мөрфи нарын дуэл тун ширүүхэн өрнөж 5:6 харьцаагаар Шаун Мөрфи ялалт байгуулан шигшээ 8-д шалгарлаа. Шанхай Мастерс 2011 оны аварга, дэлхийн чансааг тэргүүлэгч асан Марк Селби дэлхийн чансааны 11-т эрэмбэлэгдэж буй Жак Лисовскид 3:6 харьцаагаар ялагдан тэмцээнээ дуусгалаа.
Өнөөдөр биллиардын спортыг шимтэн үзэгчдэдээ Ронни О Сулливан БНХАУ-ын тамирчинг 6:0 харьцаагаар "бут ниргэсэн" тоглолтыг бүрэн эхээр нь толилуулж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.