Японы баруун өмнөд нутагт сая орчим иргэнийг нүүлгэн шилжүүлэхээр болжээ
Япон улсын баруун өмнөд нутгаар үер бууж сая орчим иргэнийг нүүлгэн шилжүүлэх шийдвэрийг эрх баригчид гаргажээ. Гол мөрөн савнаасаа хальж хөрсний гулсалт үүссэнээс гурван иргэн амь насаа алдсан байна.
Цаг уурын газраас ард иргэдэд хандан амь насаа хамгаалахын тулд эрх баригчдын заавар зөвлөмжийг даган мөрдөхийг хүсчээ. Японы өмнөд Кюшу аралд хэдэн долоо хоногийн турш шуурч, ширүүн бороо асгарсан байна.
Эрх баригчид тавдугаар түвшний аюулын дохио дуугаргажээ. Хоёр иргэн машинтайгаа живж амиа алдсан бол өөр нэг эрэгтэй машинаасаа зугтах гэж байгаад үерт урссан байна.
Орон нутгийн цагаар лхагва гарагийн үдээс хойш үерийн анхааруулга түвшин багассан боловч аюул дуусаагүй тул ард иргэдийг сэтгэл амарч болохгүй гэж цаг уур судлаачид анхаарууллаа. Фукуока, Сага, Нагасаки мужуудад бороотой хэвээр байна.
Өнгөрсөн долдугаар сард Японы баруун нутагт үерийн улмаас 200 хүн амиа алджээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.