Дуэйн Жонсон найз бүсгүй Лорен Хашиантай хуримаа хийжээ
Кино театруудад яг одоо гарч байгаа “Hobbs & Shaw”-ын гол дүрд тоглож продюссерлэсэн Дуэйн Жонсон хуримаа хийжээ. Тэрээр 10 гаруй жилийн турш үерхэж хамтран амьдарч хоёр ч бяцхан охины эцэг эх болсон найз бүсгүй Лорен Хашиантай Хавайд гэрлэснээ өөрийн албан ёсны Инстаграмм хуудсаар зарласан байна.
Жонсон Хавайн эрэгт сүйт бүсгүйн хамт хуримын ёслолд зориулсан хослол өмссөн зургаа нийтэлж “Бид үүнийг хийлээ. 2019 оны наймдугаар сарын 18. Хавай” гэж бичжээ. Мөн уг зургандаа эхнэр нь болоод удаагүй найз бүсгүй болоод хуучин эхнэртэйгээ хамт байгуулсан компанийг нь удирдаж буй хүргэн дүү асан Хирам Гарсиаг “tag” хийсэн байна.
Дуэйн Жонсон өмнө нь Дэни Гарсиатай гэрлэж 18 настай Симон охинтой. Түүнээс салсныхаа дараа дуучин, дуу зохиогч Лорен Хашиантай болзож гурван настай Жасмин, нэг настай Тиана охидоо өлгийдөн авсан юм. Өнгөрсөн жилийн долдугаар сард Entertainment Tonight шоунд оролцохдоо Дуэйн Хашиантай гэрлэхийг яарахгүй байгаа тухайгаа ярьж байжээ. Сонирхуулахад Дуэйн Жонсон энэ жил 47 настай бол түүний эхнэр Лорен Хашиан 34 настай буюу тэд 12 насны зөрүүтэй хос юм.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.