Польш: Үерт автсан агуйд гацсан судлаачдыг аврах ажиллагаа үргэлжилж байна
Польш улсад хоёр агуй судлаач орон нутгийн цагаар бямба гарагт Татра уулсын хамгийн гүн, урт Велька Снежна агуйн хонгилд гацжээ. Агуй усаар дүүрч гарах гарц хаагдсан ба 30 орчим аврагч судлаачдыг аварч гаргахаар ажиллаж байна.
Одоог хүртэл уурхайд байгаа хүмүүстэй холбоо харилцаа тогтоож чадаагүй байгаа тул тэднийг эсэн мэнд гэдэгт санаа зовж буйг албаны хүмүүс мэдээлжээ. Агуйн гарцыг нээхийн тулд тэсэлгээ хийхээр бэлдэж байгаа ажээ.
Аврах багийн дарга Ян Кшиштофын хэлснээр агуйн гарцыг нээхийн тулд тэсэлгээ хийхээс өөр арга байхгүй ба шаардлагатай бүх зүйлсийг бэлдэж байгаа ч багагүй хугацаа шаардагдана гэжээ. Цаг агаарын байдал таагүй хэвээр байгаа нь аврах ажиллагаанд саад учруулж байна.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.