Олон улсын жүдо бөхийн холбооны (IJF) уламжлалт томоохон тэмцээн болох Анталия гран при тэмцээн өчигдөр албан ёсоор эхэллээ. Турк улсын Анталия хотноо гурван өдрийн турш үргэлжлэх тэмцээнд энэ жил 76 орны 485 тамирчин оролцохоор болсон байна. Манай улсаас дэлхийн аварга М.Уранцэцэг, Г.Болдбаатар тэргүүтэй 19 тамирчин оролцох юм.
Өчигдөр тэмцээний эхний өдөр эмэгтэйчүүдийн 48кг, 52кг, 57кг, эрэгтэйчүүдийн 60кг, 66кг жингийн барилдаанууд явагдаж манай улсаас найман бөх барилдснаас эмэгтэйчүүдйин -52кг жинд барилдсан дэлхийн аварга МУГТ М.Уранцэцэг өөрийн үндсэн жингийн дээд жиндээ буюу -52кг жинд дараах барилдаануудыг хийж мөнгөн медаль хүртсэн юм. М.Уранцэцэг гавьяатын гайхалтай бүх барилдааны бичлэгийг үзэхийг хүсвэл энд дарна уу.
Өнөөдөр тэмцээн хоёр дахь өдрөө эмэгтэйчүүдийн 63кг, 70кг, эрэгтэйчүүдийн 73кг, 81кг жингийн барилдаануудаар үргэжлэн явагдах ба манайхаас гурван жинд МУГТ Г.Одбаяр тэргүүтэй дөрвөн бөх барилдах юм.
Эмэгтэйчүүдийн -63кг жинд “Женко” клубийн тамирчин Ц.Сүнжидмаа эхний тойрогт БНХАУ-ын Жин Тантай барилдах оноолт гарчээ.
Эрэгтэйчүүдийн -73кг жингийн D хэсгийг ДАШТ-ий хүрэл медальт МУГТ Г.Одбаяр тэргүүлэн бариллдах тул эхний тойрогт гоц мөргөсөн бол В хэсэгт “Женко” клубийн тамирчин Г.Чойжилсүрэн эхний тойрогт Гүржийн Бека Шавдатуашвилитэй барилдах оноолт гарчээ.
Эрэгтэйчүүдийн -81кг жинд “Хангарьд” спорт хорооны тамирчин Б.Мөрренцэн эхний тойрогт Йорданы жүдоч Бейкэр Алзиданийнтэй барилдах оноолт гарчээ.
Өнөөдрийн тэмцээн Улаанбаатарын цагаар 15:30 цагт урьдчилсан барилдаануудаар эхлэн явагдана. Манай сайт уламжлал ёсоор бүх дэвжээг нэгэн зэрэг шууд дамжуулан үзүүлнэ.
