Жүдо бөхийн Дьюселдорфийн их дуулга тэмцээн өчигдөр албан ёсоор эхэллээ. Гурав хоногийн турш үргэлжлэн явагдах тэмцээний эхний өдөр уламжлал ёсоор хөнгөн жингийн барилдаануудаар эхлэн явагдлаа. Манайхнаас эхний өдөр Монгол улсын хөдөлмөрийн баатар, МУГТ Д.Сумьяа тэргүүтэй шилдэг таван жүдоч барилдаж гурван бөх маань медаль хүртлээ. Тодруулбал эмэгтэйчүүдийн -52кг жинд Л.Сосорбарам мөнгөн медаль, эмэгтэйчүүдийн -57кг жинд Д.Сумьяа аварга, эрэгтэйчүүдийн -66кг жинд Ё.Басхүү нар хүрэл медаль хүртсэн юм.

www.livetv.mn/sport их дуулга тэмцээнийг гурван өдрийн турш шууд дамжуулан үзүүлж байгаа ба монгол бөхчүүдээ дэвжээнд гарах бүрд нь тамирчныхаа талаар болон өрсөлдөгчийнх нь талаарх мэдээллийн хамт шуурхай мэдээлж байгаа билээ. 

Эмэгтэйчүүдийн -63кг жинд “Алдар” спорт хорооны тамирчин, Монгол Улсын 5 удаагийн аварга Б.Ганхайч эхний тойрогт БНХАУ-ын Ян Жунхиатай барилдахаар оноолт таарчээ. Б.Ганхайч жиндээ 2020 оноотойгоор дэлхийн чансааны 22-т эрэмбэлэгдэж байгаа бол хятадын тамирчин 35-д эрэмбэлэгдэж байна. Хоёр тамирчин өнгөрсөн жил Бакугийн дэлхийн аваргаар учраа тааран барилдахад манай Б.Ганхайч цэвэр ялж байсан юм. Б.Ганхайч хоёрдугаар дэвжээнээ гарч ирлээ.  

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

 Жич: Хэрэв та шууд дамжуулалтыг үзэж амжаагүй бол дээрх бичлэгүүдийг ухраан нөхөж үзэх боломжтой.