Жүдо бөхийн Дьюселдорфийн их дуулга тэмцээн албан ёсоор эхэллээ. Гурав хоногийн турш үргэлжлэн явагдах тэмцээний эхний өдөр уламжлал ёсоор хөнгөн жингийн барилдаануудаар эхлэх юм. Монгол улсаас өнөөдөр Монгол улсын хөдөлмөрийн баатар, МУГТ Д.Сумьяа тэргүүтэй шилдэг таван жүдоч барилдаж байна. 

Манайхны салхийг хагалж эрэгтэйчүүдийн -66кг жинд “Хилчин” спорт хорооны тамирчин Ё.Басхүү эхний тойрогт Гуинеа Биссау улсын тамирчин Цезарь Диоготой урамтай сайхан барилдан давсан билээ. Уг барилдааныг үзэхийг хүсвэл энд дарна уу. Ё.Басхүү хоёрдугаар тойрогт Алжир жүдоч Эззине Вайлтай барилдахаар гарч ирээд хэдхэн секундэд цэвэр дарлаа. Энэхүү барилдааныг үзэхийг хүсвэл энд дарна уу.

Ё.Басхүү гуравдугаар тойрогт дэлхийн аваргын хүрэл медальт Израилын Фликер Талтай барилдан илүүрхэн ялсан бол яг одоо С хэсгийн аваргын төлөө ОХУ-ын Шамилов Якубтай нэгдүгээр дэвжээн дээр барилдахаар гарч ирлээ. Урьд нь хоёр бөх гурван удаа урчаа таарахад манай Басхүү хоёр ялагдаж нэг ялаад байгаа юм. Өнөөдөр Ё.Басхүү тун өнгөтэй сайн барилдаж байна. 

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Жич: Хэрэв та шууд дамжуулалтыг үзэж амжаагүй бол дээрх бичлэгүүдийг ухраан нөхөж үзэх боломжтой.