Хоёр хоногийн дараа (хоёр сарын 22-24 өдрүүдэд) жүдо бөхийн Дьюселдорфийн их дуулга тэмцээнд 99 орны 700 гаруй жүдоч оролцох урьдчилсан мэдүүлгээ өгөөд байгаа бол Монгол улсаас Монгол улсын хөдөлмөрийн баатар, МУГТ Н.Түвшинбаяр, Д.Сумьяа тэргүүтэй шилдэг 19 жүдоч оролцох мэдүүлгээ өгөөд байна. Дьюселдорфийн их дуулга тэмцээнд оролцох монголын баг тамирчдын мэдээллийг энд дарж үзнэ үү. 

Манай сайт Дьюселдорфийн их дуулга тэмцээнд оролцох монгол бөхчүүдийнхээ дэлгэрэнгүй танилцуулгыг цувралаар танилцуулж байна. 

Монгол улсын хөдөлмөрийн баатар, МУГТ Д.Сумьяагийн хувьд Дьюселдорфийн их дуулга тэмцээнийг гран при байх үеүдэд буюу 2014, 2015, 2017 онуудад мөнгөн медаль хүртэж байсан юм. Мөн 2012 онд хүрэл медаль хүртэж байсан байна. Энэ удаад медалийн өнгөө хувиргаж их дуулгаас алтан медаль хүртэх болов уу хэмээх хүлээлт жүдо сонирхогчдод байгаа нь дамжиггүй. Тэрээр одоогоор -57кг жинд 5692 оноотойгоор дэлхийн чансааны 3-т эрэмбэлэгдэж байна. Дьюселдорфийн их дуулга тэмцээний -57кг жинг дэлхийн чансааг тэргүүлж буй дэлхийн аваргын алт, мөнгөн медальт Японы алдарт Ёшида Цукаса аварга тэргүүлэн барилдах ба Ёшида Цукаса аваргыг манай Д.Сумьяа 2017 онд хоёр удаа учраа тааран барилдахад хоёуланд нь ялаад байгаа юм.

Өнөөдөр та бүхэндээ Д.Сумьяагийн шилдэг барилдаануудын түүвэр бичлэгийг толилуулж байна.