Жүдо бөхийн Европын хоёр нээлттэй тэмцээн Итали болон Австри улсад зохион байгуулагдаж байна. Эдгээр тэмцээнүүд нь Дюсселдорф их дуулга тэмцээний өмнөх томоохон сорил тэмцээн болох юм. 

Өчигдөр Австри улсын Оберварт хотноо дэлхийн 35 орны 199 эмэгтэй жүдочид оролцох Европын эмэгтэйчүүдийн нээлттэй тэмцээн зохион байгуулагдаж -48кг жинд Г.Наранцэцэг алт, -63кг жинд Б.Ганхайч алт, -52кг жинд Л.Сосорбарам мөнгөн медаль, -57кг жинд Л.Энхрийлэн шагналт тавдугаар байранд шалгарлаа. 

Харин Итали улсын Ром хотноо эрэгтэйчүүдийн Европын нээлттэй тэмцээн өчигдөр хөнгөн жингийн барилдаануудаар эхэллээ.  Энэхүү тэмцээнд 51 орны 307 тамирчин оролцож байгаа бол манайхаас энэ жилийн улсын аварга болсон долоон жүдочид оролцож байгаа юм. Өчигдөр -60 кг жинд энэ оны улсын аварга “Алдар” спорт хорооны тамирчин Энхтайваны Ариунболд шагналт тавдугаар байранд орлоо. 

Харин өнөөдөр -81кг жинд “Хангарьд”-ын Нямсүрэнгийн Дагвасүрэн, -90кг жинд улсын аварга “Сүлд” спорт хорооны тамирчин Эрдэнэхүүгийн Мөнхжаргал, -100кг жинд УАШТ-ий мөнгөн медальт Дэлгэрийн Цэрэнням, +100кг жинд улсын аварга Одхүүгийн Цэцэнцэнгэл нар өрсөлдөнө.

Нэгдүгээр дэвжээг шууд үзэх:

Хоёрдугаар дэвжээг шууд үзэх: 

Гуравдугаар дэвжээг шууд үзэх:

Жич: Хэрэв та аливаа барилдааны шууд дамжуулалтыг үзэж амжаагүй бол дээрх бичлэгүүдийг ухраан нөхөж үзэх боломжтой.