IJF-ийн 2019 оны цуврал тэмцээнүүд энэ сарын 24 өдрөөс Израиль улсын Тел Алив хотноо "Тел Алив 2019" гран при тэмцээнээр эхлэх юм. Оны өмнө уг гран при тэмцээнд манай улсаас 15 тамирчин оролцох урьдчилсан мэдүүлэг байсан авч яг одоогийн байдлаар "Тел Алив 2019" гран при тэмцээнд оролцох 54 орны дунд Монгол улсын баг тамирчдын мэдээлэл алга байна. Магадгүй Монгол улсын баг тамирчид 2019 оны олон улсын тэмцээнээ 2 сарын 9-10 өдрүүдэд зохион байгуулагдах Парисын их дуулга тэмцээнээр эхлүүлэх бололтой.
"Тел Алив 2019" гран при тэмцээний хувьд Израиль улсад анх удаа зохион байгуулагдаж буй тэмцээн бөгөөд одоогийн байдлаар 54 орны 407 жүдоч барилдахаар урьдчилсан мэдүүлгээ өгөөд байна. Энэхүү урьдчилсан мэдүүлгээс харвал өнгөрсөн оны Мастерс түрүүлсэн Азербайжаны Рустам Оружов аварга, Косовогийн Красники аварга, Английн Смиф Дэвис нар барилдах мэдүүлгээ өгсөн байна.
Харин энэ оны анхны их дуулга тэмцээн болох Парисын их дуулга тэмцээнд 101 орны 670 гаруй жүдоч барилдахаар урьдчилсан мэдүүлгээ өгөөд байгаа бол манай улсаас дараах бөхчүүд барилдахаар урьдчилсан мэдүүлгээ өгөөд байна.
Энэ 2019 онд 2 дэлхийн аварга (ганцаарчилсан болон багийн), Мастерс, 6 их дуулга тэмцээн, 10 гран при зохион байгуулагдахаар төлөвлөгдсөн байна. www.livetv.mn сайтын спортын мэдээллийн албаны зүгээс Монголын хүчирхэг жүдочиддоо амжилтын дээдийг хүсэн ерөөж байна.
