Жүдо бөхийн насанд хүрэгчдийн УАШТ багийн барилдаанаар гуравдахь өдрөө үргэлжлэн явагдаж байна.
Алтан медалийн төлөө Сүлд спорт хороо болон Хилчин спорт хорооны нэгдүгээр багуудын хооронд тун өрсөлдөөнтэй явагдаж байна. Хамгийн эхний барилдаан эрэгтэйчүүдийн -73кг жингийн барилдаанаар эхэлсэн бөгөөд Хилчин спорт хорооноос ОУХМ Н.Хадбаатар, Сүлд спорт хорооны ОУХМ Ц.Цогтбаатартай учраа тааран барилдааны цаг дуусахаас өмнө хоёр удаа жийж давуулан цэвэр яллаа. Ц.Цогтбаатар энэ УАШТ-ээс жиндээ түрүүлсэн бол Н.Хадбаатар хоёрдугаар тойрогт МУГТ Одбаярт ялагдсан юм.
Өнгөрсөн жил "Hague -2017" гран при тэмцээнд түрүүлж байсан манай -73кг жингийн бас л шилдэг тамирчдын нэг гэдгээ УАШТ-ий багийн барилдаанаар харуулж чадлаа.
