Fiba 3x3 сагсанбөмбөгийн эмэгтэйчүүдийн "Women's Series 2022 Tel Aviv" тэмцээнд Монголын эмэгтэйчүүдийн шигшээ баг, Улаанбаатар Амазонс багууд тоглох бол Манила Мастерс тэмцээнд Улаанбаатар, Зайсан, Сансар, Завхан ММС Энержи багууд өрсөлдөнө. 

Тодруулбал Израиль улсын Тел Авив хотноо зохион байгуулагдах "Women's Series 2022 Tel Aviv" тэмцээнд Герман, Франц, Нидерланд, Польш, Испани, Румын, Израиль, Япон зэрэг шилдэг 12 баг өрсөлдөх ба Монголын эмэгтэйчүүдийн шигшээ баг болон Канад лигеонер тамирчнаар хүч сэлбэсэн Улаанбаатар Амазонс багууд тоглоно. 

Манай эмэгтэй багуудын өнөөдрийн тоглолтын хуваарь /Улаанбаатарын цагаар/

17:45 цагт Улаанбаатар Амазонс vs Румын
18:10 цагт Монголын шигшээ баг vs Израиль
19:35 цагт Улаанбаатар Амазонс vs Франц
20:00 цагт Монголын шигшээ баг vs Нидерланд

Тэгвэл мөн өнөөдөр Филиппин улсын Манила хотноо Манила Мастерс тэмцээн зохион байгуулагдах ба Сербийн алдарт UB, Лиман, Белгийн Антверп болон Польш, Япон, Энэтхэг, Шинэ Зиланд, Австралийн шилдэг багуудын эсрэг ММС Энержигээр овоглосон монголын шилдэг дөрвөн баг хүч үзнэ. 

Манай багуудын тоглолтын хуваарь /Улаанбаатарын цагаар/:

16:25 цагт Улаанбаатар vs Манила /Филиппин/
17:00 цагт Завхан vs УБ /Серби/
17:25 цагт Сансар vs Антверп /Белги/
18:25 цагт Улаанбаатар vs Зайсан
19:00 цагт Завхан vs Себу /Филиппин/
19:25 цагт Сансар vs Урьдчилсан шатнаас шалгарсан баг
20:25 цагт Зайсан vs Манила /Филиппин/