Дөрөвдүгээр сарын 2-3-ны өдрүүдэд жүдо бөхийн бүх японы аварга шалгаруулах тэмцээн зохион байгуулагдана. 

Хэдийнээс олимп, дэлхийн шилдгүүд өрсөлддөг гэдэг утгаараа Япон төдийгүй дэлхийн жүдо бөх сонирхогчдын анхаарлын төвд ордог томоохон тэмцээн юм. Ута Абэ (-52 кг), Шори Хамада (-78 кг), Акира Соне (+78 кг), Наохиса Такато (-60 кг), Хифуми Абэ (-66 кг), Шохэй Оно (-73 кг), Таканори Нагасе (-81кг), Аарон Вольф (-100кг) зэрэг жин жингийн дэлхийн шилдгүүд зодоглох тул аргагүй биз. Жүдо бөхийн сонирхогчдын хамгийн ихээр сонирхож буй жин бол эрэгтэйчүүдийн -66кг жинд олимпын аварга бөгөөд дэлхийн хошой аварга Абэ Хифүми болон дэлхийн хошой аварга Жоширо Маруяама нарын дуэл байх болно. Тэд 2017 оноос хойш олон улсын дэвжээнээ дөрвөн удаа учраа таарч ялалт, ялагдлын харьцаа нь тэнцүү байгаа. Хамгийн сүүлд 2020 оны 12 дугаар сард "Токио-2020" олимпын их наадамд эх орноо төлөөлөн оролцох эрхийн төлөө халз барилдан Абе Хифүми ялалт байгуулан улмаар тус жинд олимпын аварга болсон юм. 

Дөрөвдүгээр сарын 2-ны өдөр бүх эмэгтэй жингүүдийн барилдаан явагдах бол 3-ны өдөр эрэгтэй жингүүдийн барилдаан явагдах хуваарьтай байна.