Дэлхийн чансааны оноо олгох бөхийн төрлүүдийн оноо олгох олон улсын "А" зэрэглэлийн "Poland Open" тэмцээн зургадугаар сарын 8-14-нд Польшийн нийслэл Варшав хотноо зохион байгуулагдана.

"Токио-2020" олимпын наадмын өмнөх сүүлийн дэлхийн чансаа олгох тус тэмцээнд 44 орны 365 бөх зодоглохоор урьдчилсан мэдүүлгээ өгөөд байна. Энэхүү тэмцээн нь олимпын наадмын өмнөх томоохон сорил болохоос гадна энэ оны 10-р сард зохион байгуулагдах Ослогийн ДАШТ-ий өмнөх чансаа олгох томоохон тэмцээн болох юм. Нийт шагналын сан нь 600.000 швейцар франк ба алтан медаль хүртсэн тамирчин 10.000, мөнгөн медаль 7.000, хүрэл медаль хүртсэн тамирчин тус бүр 3.000 швейцар франкийн шагнал тус тус хүртэнэ. 

Манай улсаас МУГД З.Дүвчингийн удирдлага дор дэлхийн медальтан гурван бүсгүй зодоглоно. Тодруулбал: Олимпын хүрэл, ДАШТ-ий хошой алт, нэг мөнгө, хүрэл медальт, Монгол улсын Хөдөлмөрийн баатар, МУГТ С.Батцэцэг, ДАШТ-ий нэг мөнгө, гурван хүрэл медальт, МУГТ О.Насанбурмаа нар 68 кг жинд, ДАШТ-ий мөнгөн медальт ОУХМ Э.Сумьяа 53 кг жинд хүч үзнэ.