Хэдхэн хоногийн өмнө өндөрлөсөн мэргэжлийн снукер биллиардын дэлхийн аварга шалгаруулах тэмцээний дараа дэлхийн чансааны шинэчлэгдлээ. 

Тодруулбал: ДАШТ-д түрүүлж дөрөв дэх удаагаа аваргын цом өргөсөн М.Селби аварга шагналын мөнгө болох 500 мянган фунт хүртсэнээр дэлхийн чансааны дөрөвдүгээр байраас хоёрдугаар байрт дэвшлээ. 

Харин дэд байранд орсон Ш.Мөрфи аварга 200 мянган фунт стерлингийн шагнал хүртсэнээр чансааны долоодугаар байраас тавдугаар байр хүртэл дэвшсэн байна. 

Өнгөрөгч дэлхийн аварга шалгаруулах тэмцээнийг тооны хэлээр:

• Нийт тэмцээний хүрээнд 108 удаа 100-аас дээш оноо авсан тоглолт гарсан нь шинэ дээд амжилт тогтоосон байна. 
• Үүнээс хамгийн олон удаа буюу 13 удаа 100-аас дээш оноо авсан тамирчнаар дэлхийн аварга Стуарт Бингхам тодорч байна. 
• Харин нэг тоглолтод хамгийн өндөр буюу 144 оноог Шаун Мөрфи аварга авсан байна. 
• Хамгийн урт тоглолтоор хагас шигшээд Марк Селби болон Стуарт Бингхам нарын 19 дэх тоглолт нийт 63 минут 20 секунд үргэлжилсэн байна. 
• Мөн хожил тэнцэн сүүлийн тоглолтод ялагч шийдвэрлэсэн тоглолт дөрвөн удаа гарсан ба С.Бингхам 10:9 Д.Жунхуй, Ж.Лисовски 10:9 А.Картер, А.Макгилл 13:12 Р.О.Сулливан, С.Бингхам 13:12 А.Макгилл