Холимог тулааны UFC261 тулаанд гайхалтай тулааныг хийж ялалт байгуулсан монголын шилдэг тулаанч Д.Батгэрэл тулааны дараа хэвлэлийн бага хуралд жингийнхээ домгуудыг тулаанд дуудлаа. 

Өнөө өглөө "Талын шуурга" хочит Д.Батгэрэл АНУ-ын К.Нативидадыг эхний үед хүнд цохилтоор буулган авсан тулааныг ЭНД дарж үзнэ үү. 

Тэрээр тулааныхаа дараа хэвлэлийн бага хуралд юу ярьсныг тоймлон хүргэе.  

Сэтгүүлч: Баяр хүргэе сайхан тулаан байлаа. 

Д.Батгэрэл: Маш их баярлалаа. 

Сэтгүүлч: Та зүүн гарын хүнд цохилтоороо дахин өрсөлдөгчөө унагалаа. Энэ таны дуртай техник үү?

Д.Батгэрэл: Би энэ цохилтоороо өмнө нь бас өрсөлдөгчөө унагаж байлаа. Энэ миний дуртай цохилт.

Сэтгүүлч: Та энэхүү цохилтыг төлөвлөж байсан уу? Эсвэл тухайн моментод цохилт хийхээр шийдсэн үү?

Д.Батгэрэл: Тухайн үеийн мэдрэмжээрээ хийлээ. Өмнө нь бол мэдээж нэлээд бэлдэж байсан л даа. 

Сэтгүүлч: Таны дасгалжуулагч Брандон ковидийн нөхцөл байдлын улмаас тулааны үед тантай хамт байж чадсангүй. Энэ таны тулаанд нөлөөлсөн үү?

Д.Батгэрэл: Үгүй дээ. Би бэлтгэлээ сайн хангасан байсан болохоор дасгалжуулагчид маань ирээгүй ч тулаанд нөлөөлөөгүй ээ. 

Сэтгүүлч: Үзэгчдийн өмнө тулалдах ямар байв даа?

Д.Батгэрэл: Үзэгчидтэй тулаан хийх нь маш сайхан. Үзэгчдээсээ маш их хүч авч байлаа. 

Сэтгүүлч: Та дараагийн тулаанаа хэзээ хийх вэ? Ямар тулаанчтай тулалдахыг хүсэж байна?

Д.Батгэрэл: Би ойрын хугацаанд дахин тулалдмаар байна. Жозе Алдо, Шон Маллы гэх мэт жингийнхээ шилдгүүдтэй тулалдмаар байна. 

Сэтгүүлч: Яагаад заавал Жозе Алдо, Шон Маллы гэж?

Д.Батгэрэл: Жозе Алдог би маш их хүндэлдэг. Өмнө нь аварга байсан. Түүний тулааныг үзэж өссөн учраас түүнтэй нүүр тулмаар байна.