Мэргэжлийн снукер биллиардын дэлхийн аварга шалгаруулах тэмцээн ширүүн өрсөлдөөнтэй явагдаж байна. 

Одоогоор байдлаар шөвгийн 16-д дэлхийн Ронни О Сулливан, Жон Хиггинс, Нейл Робертсон, Стуарт Бингхам зэрэг дэлхийн аваргууд бүхий 11 тамирчин шалгараад байна.

Урьд шөнө явагдсан тоглолтуудаас хамгийн сонирхолтой нь 2015 оны дэлхийн аварга Стуарт Бингхам болон Хятадын №1 тамирчин Дин Жунхуй нарын тоглолт байлаа. Хоёр тамирчин эн тэнцүү өрсөлдсөний эцэст 10:9 харьцаагаар Стуарт Бингхам шөвгийн 16-д шалгарлаа. Хоёр тамирчны хувьд хамгийн сүүлд 2016 оны аваргуудын аварга шалгаруулах тэмцээнд учраа таарахад Дин Жунхуй 6:4 харьцаагаар хожиж байлаа. 

Тоглолтын дараа Дин Жунхуй "Анхны Ази тивээс төрөх дэлхийн аварга болох хүсэл маань дахин нэг жилээр хойшиллоо" хэмээн хэлсэн байна. Дин Жунхуйгийн хувьд 2016 онд дэлхийн аваргын шигшээд шалгарч Марк Селби аваргад хожигдож байлаа. 

Энэ удаагийн дэлхийн аварга шалгаруулах тэмцээний салхийг хагалан дэлхийн зургаан удаагийн аварга Ронни О Сулливан Марк Жойсыг буулган авсан билээ. Тус тоглолтыг ЭНД дарж үзнэ үү. 

Дэлхийн аварга Нейл Робертсон Хятадын Лиан Венбог илт илүүрхэн буулган авч (10:3) шөвгийн 16-д шалгарсан тоглолтыг ЭНД дарж үзнэ үү. 

Дэлхийн дөрвөн удаагийн аварга Жон Хиггинс Хятадын Тиан Пенфейг хожсон тоглолтыг ЭНД дарж үзнэ үү.