Мэргэжлийн снукер биллиардын 30 дахь удаагийн түүхт "Welsh Open 2021" тэмцээний шөвгийн наймд өрсөлдөх тамирчид тодорлоо.
Энэ удаагийн тэмцээнд дэлхийн чансаа бүхий 128 тамирчин оролцож байгаагаас шөвгийн наймд дэлхийн зургаа, велсийн дөрвөн удаагийн аварга Ронни О Сулливан, дэлхийн аварга бөгөөд велсийн хошой аварга Марк Виллиамс, дэлхийн гурван удаагийн аварга бөгөөд велсийн цомын 2008 оны аварга Марк Селби, дэлхийн аварга бөгөөд Велсийн цомын өнгөрсөн оны аварга Шаун Мөрфи зэрэг аваргууд тунан үлдээд байна. Эндээс анзаарвал "Welsh Open 2021" тэмцээнд хуучин аваргуудаас хэн нэг нь дахин түрүүлэх өндөр магадлалтай байгаа юм.
Тэмцээн эхэлснээс хойш нэг ч өрөг хожигдоогүй явсан Ронни О Сулливан шөвгийн 16-д Хятадын залуу "од" Зоу Елонгийг 4:1 харьцаагаар буулган авлаа.
Тэмцээнд түрүүлэх тамирчдын тоонд зүй ёсоор тооцогдон байсан дэлхийн чансааг тэргүүлэгч Жадд Трамп аваргын хожин шуугиан тарьсан "Персийн хунтайж" хочит Ираны Хоссейн Вафай шөвгийн 16-д Марк Виллиамс аваргатай учраа таарсан ба тус тоглолтод Марк Виллиамс аварга 4:2 харьцаагаар ялалт байгууллаа.
Манай сайт уламжлал ёсоор энэ сарын 15-21-ний өдрүүдэд "2021 Welsh Open" тэмцээнийг шууд дамжуулан үзүүлэхээс гадна тоглолт бүрийн тойм мэдээллийг тогтмол хүргэх болно.