Энэ оны эхний жүдо бөхийн томоохон тэмцээн болох "Мастерс-2021" тэмцээн Катар улсын Доха хотноо гурав хоногийн турш явагдаж өндөрлөлөө. 

Таван тивийн 69 орны 398 шилдэг тамирчид хурд хүчээ сорин өрсөлдөж медалийн чанараар Франц улсын баг тамирчид таван алт, нэг мөнгө, нэг хүрэл медаль хүртсэн амжилтаар тэргүүлсэн бол Монгол улсын шигшээ баг хүрэл медаль нэг, шагналт тавдугаар байр нэг, шагналт долоодугаар байранд хоёр тамирчин орлоо. Монгол улсаас цорын ганц медалийг хүртсэн Жи-Мобайл, Hybrid House, VISA Team багийн гишүүн МУГТ М.Уранцэцэг аваргын бүх барилдааны бичлэгийг ЭНД дарж үзнэ үү.

Харин тэмцээний хоёр дахь өдөр монгол бөхчүүдийн бүх барилдааны бичлэгийн түүврийн ЭНД дарж үзнэ үү. 

Харин өчигдөр тэмцээний сүүлийн өдөр ДАШТ-ий хүрэл медальт ОУХМ Ө.Дүүрэнбаяр, Армийн дэлхийн аварга, Азийн наадмын мөнгөн медальт Г.Алтанбагана нар барилдаж Г.Алтанбагана шагналт байранд орлоо. 

Эрэгтэйчүүдийн -90кг жинд зодоглосон Г.Алтанбагана эхний тойрогт залуучуудын дэлхийн аварга Бразилын Р.Маседог яллаа.

Улмаар хоёрдугаар тойрогт Италийн Н.Мунгайг нэмэлт цагт буулган авлаа. Хоёр бөхийн хувьд өнгөрөгч дэлхийн аварга шалгаруулах тэмцээнд учраа тааран барилдахад ялагдсан хариугаа Г.Алтанбагана өнөөдөр авч чадлаа.

Хэсгийн аваргын төлөө шинэхэн дэлхийн аварга Нидерландын Н.Ван Т Эндтэй барилдан ялагдсанаар дагах барилдаан хийхээр боллоо. 

Дагах барилдаанд залуучуудын дэлхийн хошой аварга Гүржийн Л.Бекауритэй барилдан ялагдсанаар шагналт байранд орлоо.