Залуучуудын хоккейн дэлхийн аварга шалгаруулах тэмцээний хагас шигшээ тоглолтууд урьд шөнө явагдлаа.

Хагас шигшээ эхний тоглолт 1977 оноос хойш дэлхийн аваргад 17 удаа түрүүлж, есөн мөнгө, таван хүрэл медаль хүртээд буй Канадын залуучууд өнгөрсөн оны дэлхийн аварга Финландын залуучуудтай туллаа. Хоёр багийн хувьд өнгөрсөн оны дэлхийн аваргын шөвгийн 8-д учраа таарахад Финландчууд нэмэлт цагт 2:1 харьцаагаар хожин улмаар дэлхийн аварга болж байлаа. Харин энэ удаад Канадчууд Финландыг 5:0 харьцаагаар бут ниргэж шигшээ тоглолтод шалгарч үлдлээ.

Хагас шигшээ нөгөө тоглолт бас сонирхолтой өрнөсөн ба дэлхийн дөрвөн алт, есөн мөнгө, есөн хүрэл медальт ОХУ-ын залуучууд дэлхийн хошой аварга, 11 удаагийн мөнгө, таван хүрэл медальт Шведийн багтай тоглолоо. Тоглолтын үндсэн цаг 4:4 харьцаагаар тэнцсэн ч нэмэлт цагт ОХУ-ын залуучууд нэг гоол хийснээр ОХУ-ын баг Канадтай аваргын төлөө өрсөлдөхөөр шалгарч үлдлээ. Хоёр багийн хувьд 2012 оны дэлхийн аваргын шигшээ тоглолтод учраа таарахад Финландчууд нэмэлт цагт ОХУ-ын хожин дэлхийн аварга болж байсан түүхтэй. 

Өнөө шөнө хүрэл медалийн төлөө Швед - Финландтай тоглох бол Алтан медалийн төлөө Канад - ОХУ-ын галзуу тоглолт болно.