Хэдхэн хоногийн өмнө таеквондогийн өсвөр үе, залуучуудын ази тивийн аварга шалгаруулах тэмцээн Иордан улсын Амман хотноо явагдаж дууслаа.
Манай улсаас 10 тамирчин хүч үзсэнээс өсвөр үеийн ангилалд монголын өсвөрийн таеквондогийн шигшээ баг, БНСУ-ын таеквондогийн сургалттай Пүнсэн сургуулийн тамирчин ОУХМ Т.Энхжин, залуучуудын ангилалд монголын өсвөрийн шигшээ багийн тамирчин Э.Эхо нар хүрэл медаль хүртсэн талаар бид өмнө нь мэдээлсэн билээ. Өнөөдөр манай сайт ази тивийн аваргаас медаль хүртсэн тамирчдынхаа Иордан улсаас ирүүлсэн мэндчилгээг хүргэж байна.
Т.Энхжин: Аварга болох гэж ирсэн зорилгоо биелүүлж чадаагүйд багш нараа намайг уучлаарай. Дэлхийн аварга болж багш нарынхаа ачыг хариулах болноо.
Э.Эхо: Намайг энэ амжилтыг гаргахад туслаж дэмжсэн бүх хүмүүстээ маш их баярлалаа
Манай тамирчид өнөөдөр Иордан улсын хун тайжийн нэрэмжит El Hassan Cup цомын тэмцээнд оролцож байна. Уг тэмцээн гурав хоногийн турш үргэлжлэх юм.
сонирхолтой<img src="https://s04.flagcounter.com/mini/rzN/bg_FFFFFF/txt_dddddd/border_ffffff/flags_0/.jpg" width="1"/>