Монгол-Японы хамтарсан сургалтын эмнэлгийн нээлт өнөөдөр болно
Баянзүрх дүүргийн XII хороо, “Амгалан”-д баригдсан Анагаахын шинжлэх ухааны үндэсний их сургуулийн Монгол-Японы хамтарсан сургалтын эмнэлгийн нээлт өнөөдөр 14.30 цагт болно. Нээлтийн үйл ажиллагаатай холбоотойгоор Баянзүрх дүүргийн иргэдэд өнөөдөр үзлэг оношилгоог үзүүлнэ хэмээн ЭМЯ-наас мэдээллээ.
Япон Улсын Засгийн газрын буцалтгүй тусламжаар баригдсан энэ эмнэлэг манай улсын хувьд их сургуулийн анхны нэгдсэн цогцолбор буюу кампус хэлбэрээр баригдаж байгаагаараа онцлог аж. Энэ эмнэлэг ашиглалтад орсноор өдөртөө амбулаториор 600, жилд 192 мянган хүнд үйлчлэхээс гадна хэвтэн эмчлүүлэхээр 4300 орчим хүнд үйлчилж, ойролцоогоор 2300 орчим мэс засал, 10 гаруй мянган дүрс оношлогооны ажилбарыг гүйцэтгэх юм байна. Орчин үеийн өндөр хүчин чадалтай техник, технологиор бүрэн тоноглогдсон, эмчилгээний 104 ортой эмнэлэг болоод зогсохгүй Монголд эмчлэгдэх боломжгүй 26 өвчнийг эмчлэх боломжтой болох аж. Сургалтын эмнэлэг АШУҮИС-ийг төгсөж буй эмч нарт мэргэжил дээшлүүлэх сургалтын том бааз эмнэлэг болохын зэрэгцээ эмч болон оюутнуудад зориулсан сургалтын хэсэг, хичээлийн танхим, номын сан нь зэрэг нь бүрэн төлөвлөгджээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.