Нууцаар хил давуулах гэж байсан 1,6 тн мансууруулах бодис илрүүлэв
Австралийн эрх баригчид Тайландаас нууцаар хил давуулах гэж байсан 1,6 тн мансууруулах бодисыг илрүүлсэн байна. Их хэмжээний метамфетаминыг стерео дуугаралттай чанга яригчид хийж нуусан байсныг холбооны эрх баригчид өнөөдөр мэдэгджээ.
Хилийн харуул хамгаалалтын албаны ажилчид рентген илрүүлэгчээр чанга яригчууд дотор боож багласан хайрцгууд байгааг илрүүлэн шалгахад их хэмжээний мансууруулах бодис харагджээ. Викториа мужийн цагдаагийн ахлагч Грэйг Палмерын хэлснээр урьд өмнө Австрали улсаас ийм их хэмжээний хууль бус мансууруулах бодис илрүүлж байгаагүй ажээ.
Хэрэв зах зээлд борлуулбал 1,2 тэрбум авс.доллар буюу 837 сая ам.долларт хүрэх юм. Метамфетаминаас гадна 37 кг герион олдсон байна. Мөрдөн шалгах ажил үргэлжилж байгаа ба одоогоор хэрэгт холбоотой сэжигтнүүдийг илрүүлээгүй. Их хэмжээний мансууруулах бодис зах зээлд зарагдсан бол багагүй гарз хохирол учруулах байсан гэдгийг цагдаагийн ажилтнууд хэлж байна.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.