Монгол Улсад өнөөдрийн байдлаар ДОХ өвчнөөр өвчилсөн 270 хүн байгаа аж. Үүнээс гадна тус өвчнөөр өвчилсөн 34 гадаадын иргэн Монгол Улсад ажиллаж амьдарч байгаа юм байна. ХӨСҮТ-ийн тандалт судалгааны албаны ХДХВ/ДОХ-ын тусламж үйлчилгээний тасгийн эрхлэгч П.Үнэнчимэг “Монгол Улс ДОХ өвчний оношилгоог дэлхийн түвшинд хийдэг болсон. Энэ өвчнөөр өвчилсөн хүн өмнө нь олон төрлийн эм өдөрт уудаг байсан бол одоо өдөрт нэг ширхэг эм л уудаг болсон. Одоогоор манай улсад гадаадын хоёр иргэн ДОХ-ын эмчилгээг хийлгэж байгаа. Харин тэдгээр хүмүүс уул уурхайн салбарт ажилладаг нь худлаа” гэв.

---