М.Салах Ливерпүүлийн төлөө 100 дахь тоглолтоо хийж 69 дэх гоолоо орууллаа
Өнгөрсөн амралтын өдрүүдэд Английн Премьер лигийн 36 дахь тойргийн тун сонирхолтой тоглолтууд явагдлаа. Хүснэгтийн топ дөрвөн багийн төлөөх өрсөлдөөн улам бүр ширүүсч байна.
Манай сайт уламжлал ёсоор өнгөрсөн долоо хоногийн хамгийн оргил тоглолтуудыг тоймлон хүргэж байна.
Ливерпүүл 5:0 Хаддерсфийлд Таун
.jpg)
Хоёр багийн хувьд 2017 оноос хойш Премьер лигийн хүрээнд дөрөв дэх удаагаа учраа тааран тоглож бүгдэд нь Ливерпүүл хожоод байна. Энэ удаад Ливэрпүүл өөрийн Анфийлд цэнгэлдэхдээ Хаддерсфийлд Тауныг хүлээн авч "бут ниргэлээ". Тоглолт дөнгөж эхлээд нэг минут ч болоогүй байхад М.Салахын дамжуулалтаар Наби Кейто гоолдож тоглолтыг эхлүүллээ. Үүнээс хойш Садио Мане 23. 66 дахь минутад дабль хийсэн бол М.Салах 45+1, 83 дахь минутад мөн дабль хийж "Хаддерсфийлдэд өршөөл үзүүлсэнгүй".
Энэхүү тоглолтод дабль хийсэн М.Салах Ливерпүүл клубын төлөө 100 дахь тоглолтдоо оролцон 69 гоол, 29 гоолын дамжуулалт өгсөн амжилтыг үзүүлээд байна. Мөн түүнчлэн тэрээр яг одоогийн байдлаар Премьер лигт 21 гоолтойгоор мэргэн буучдын жагсаалтыг тэргүүлж байгаа бол түүний багийн хамтрагч С.Мане 20 гоолтойгоор удаалж байна.
Ливерпүүл болон Хаддерсфийлд Таун багийн гоол арвинтай ганган тоглолтын тойм бичлэгийг хүлээн авч үзнэ үү.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.