ШУУД: Эмэгтэй чөлөөт бөхийн Ази тивийн АШТ

Бөхийн төрлүүдийн 2019 оны насанд хүрэгчдийн Ази тивийн аварга шалгаруулах тэмцээн БНХАУ-ын Си Ань хотод зохион байгуулагдаж байна. Тэмцээний эхний өдрүүдэд эрэгтэй чөлөөт бөхийн төрлөөр явагдаж монголын чөлөөт бөхийн эрэгтэй тамирчид эртний Хятадын нийслэлээс нэг мөнгө (Ө.Батзул), хоёр хүрэл медаль (Б.Отгонбаяр, Г.Ганхуяг) хүртсэн амжилттайгаар тэмцээнээ өндөрлүүллээ.

Харин өнөөдөр эмэгтэй чөлөөт бөхийн төрөл дараах хуваарийн дагуу явагдана. 

ДӨРӨВДҮГЭЭР САРЫН 25 (ПҮРЭВ ГАРИГ) /Улаанбаатарын цагаар/ 

11:30-14:30 Эмэгтэйчүүдийн 50, 55, 59, 68, 76кг жингүүдийн урьдчилсан болон хагас шигшээ барилдаан

14:45 - Эмэгтэйчүүдийн 53, 57, 62, 65, 72кг жингүүдийн сугалаа

18:00-21:00 - Эмэгтэйчүүдийн 50, 55, 59, 68, 76кг жингүүдийн шигшээ барилдаан, шагнал гардуулах ёслолын ажиллагаа 

Манай эмэгтэйчүүдийн баг бүрэлдэхүүнд Хөдөлмөрийн баатар, гавьяат тамирчин С.Батцэцэг, гавьяат тамирчин С.Цэрэнчимэд, ОУХМ А.Батцэцэг, Э.Гантуяа, З.Болортунгалаг, Ц.Намуунцэцэг, Б.Энхцэцэг, Б.Дөлгөөн, спортын мастер Г.Ариунжаргал, Н.Загардулам нар багтаж байна. 

Өнөөдөр 50кг жинд Ц.Намуунцэцэг, 55кг жинд Б.Дөлгөөн, 59кг жинд А.Батцэцэг, 68кг жинд дэлхийн хошой аварга С.Батцэцэг, 76кг жинд  Н.Загардулам нар хүч үзэх юм.

Жич: Шууд дамууулалт цаанаасаа маш их гацалттай, зарим тохиолдолд тасарч буй тул үзэгчдээсээ хүлцэл өчиж байна.