ОУХМ Ц.Цогтбаатарын аав Ц.Цэнд-Очир, ээж С.Энхтуяатай ярилцлаа

Арабын нэгдсэн Эмират Улсын Фужирах хотноо жүдо бөхийн Ази, номхон далайн бүсийн аварга шалгаруулах тэмцээн энэ сарын 20-нд эхэлсэн.

Уг тэмцээнд Ази тивийн 35 орны 265 тамирчин, Номхон далайн орнуудаас дөрвөн улсын (Австрали, Фижи, Гуам, Шинэ Зеланд) 21 тамирчин оролцож байгаа билээ.

Харин манай улсаас эрэгтэй ес, эмэгтэй найм нийт 17 тамирчин 13 жинд хурд хүчээ сорин өрсөлдөж хоёр алт, хоёр мөнгө, гурван хүрэл медалийн болзол хангаад байгаа юм. Манай улсаас эрэгтэйчүүдийн -73 кг-ийн жинд ОУХМ Ц.Цогтбаатар аваргалсан бол -81кг-ийн жинд О.Ууганбаатар мөн аваргалсан билээ.

ОУХМ Ц.Цогтбаатарыг монголчууд "ирээдүйн олимпын аварга", "жүдогийн залуу од" гэх зэргээр үнэлж, ихээхэн итгэл хүлээлгэж буй. Тэгвэл тэрээр энэ удаа ийн Азийн аварга болж олон түмнийхээ итгэлийг тэр алдахгүй гэдгээ батлан харууллаа.

Харин бид Ази, Номхон далайн бүсийн аварга хүүгээ хүлээн суугаа аав Ц.Цэнд-Очир, ээж С.Энхтуяа нартай нь ярилцаж, сэтгэгдлээс нь хуваалцлаа. Зургаан хүүгийн бага, өдгөө 23 настай Ц.Цогтбаатар ээж, аавтайгаа хамт даруухан аж төрдөг аж. Тун удахгүй сурвалжлагаа бүрэн эхээр нь хүргэх болно.